Judicial Proceeding, 10 December 1700, Edinburgh

Att the Abbay of Halyroodhouse The Twenty first day of May J^aj vii^c years

A1700/5/16

A1700/5/16¹

Procedure

Commission In favours of James Duke of Queensberry To be his Majesties high Commissioner

Commission under his Majesties Great Seal of this Kingdom, In favours of James Duke of Queensberry, Lord privy Seal, To Represent his Majesties Sacred person and Royall authority in this Eight Session of his Majesties Current Parliament Read and ordered to be Recorded in the Books of privy Councill, wherof the tenor follows.
Gulielmus Dei Gratia Magnae Brittaniae, Franciae et Hiberniae Rex fideique defensor omnibus probis hominibus suis ad quos praesentes literae nostrae pervenerint, Salutem Quandoquidem nos magni momenti Rationibus Ducti Currentis nostri Parliamenti hujus antiqui Regni nostri Scotiae Comitia in octavo sessione sua Edinburgi vicesimo Primo die mensis Maii proxime futuri Conventura hactenus statuimus Rebus autem nostris necessario nos avocantibus dicte parliamenti nostri sessioni Interesse nequimus Ideoque Commissionem nostram Cuidam Ementissimi ordinis summaeque fiduciae ac praeclaris animi dotibus Imbuto Regiam nostram personam et authoritatem in Eadem Representandi concedere decrevimus Cumque satis Compertum habeamus fidelitatem Intaminatam egregias animi dotes et fidem erga nos singularem fidelissimi et dilectissimi nostri consanguinei et conciliarii Jacobi Ducis De Queensberrie secreti nostri sigilli Custodis et unius ex Commissionariis Thesaurarii dicti nostri regni Cujus per pulchrae² facultates ad summae illud fiduciae munus rite obeundum ac pia et Regia nostra proposita propaganda tam in promovendo Commodo et Emolumento dicti nostri Regni antiqui et in Ecclessia et in Rei publica quam ministerio nostro ipsum usquequaque Instructum Reddant. Noveritis Igitur nos dedisse et Concessisse perque hasce nostras patentes literas dare et Concedere praedicto Dilectissimo et fidelissimo nostro Consanguineo et Conciliario Jacobo Duce de Queensberry sacram nostram personam Representandi in praedicta octava sessione Currentis Parliamenti nostri dicti Regni et in re quavis alia ubicunque de Ecclesia firmanda pace et politia dicti Regni nostri Conservanda et Excolenda et re nostra propaganda et promovenda tractandum fuerit authoritatem nostram Regalem Gerendi in universis Ejusdem administrationibus tanquam supremo nostro Commissionario plenissimam et amplissimam nostram potestatem et Commissionem. Porro tenore presentium eundem Jacobum ducem de Queensberry cum Commissionarii nostri Titulo nostra authoritate Regali Insignimus plenamque ipsi Tribuimus potestatem omnia et singula ad munus et Imperium Commiss[i]onarii spectantia tam plene et libere quoad omnes Effectus quam quilibet alius Ejusdem summi muneris et Characteris (Regnantibus quibuscunque nostrorum serenissimorum decessorum) unquam fecerat seu facere potuerat, faciendi, agendi, peragendi, Quaequidem omnia et singula in dicta hac Commissione pro sequenda ab ipso facienda nos firma et rata habemus et habituri sumus, Omnibus et singulis Insuper status nostri officialibus iisque qui nobis ab Intimis Conciliis Judicibus legatis et officiariis nostrarum in hoc regno Copiarum caeterisque quibuscunque subditis dicti Regni stricte mandamus et Imperamus ut praefatum Jacobum Ducem de Queensberry tanquam Supremum nostrum Commissionarium, sacram nostram personam Representantem et Regalem nostram authoritatem Gerentem Agnoscant Ipsique Reverentiam et obsequium praebeant ad Effectum et secundum normam in hac nostra Commissione praescriptam Quaequidem Commissio Dicto vicesimo primo die mensis Maii proxime sequen[te] Incipiet et durante antedicta sessione Parliamenti et in ultimum usque sessionis diem ejusdem Inclusive in vigore durabit Et denique declaramus hanc nostram Commissionem absque prejudicio fore praefato Jacobo Duci De Queensberry cuivis alii Deplomati seu Commissioni de quocunque alio munere a nobis ipsi Concredito sed eadem durante hac nostra Commissione ac Etiam post ip[s]ius Expirationem in pleno continuare vigore modo in Singulis Diplomatis et Commissionibus ipsi Concessis Contento. In cujus Rei Testimonium praesentibus Magnum Sigillum nostrum appendi Curavimus Apud Aulam nostram de Hampton Court vicesimo quinto die mensis Aprilis Anno Domini Milesimo Septingentesimo et anno Regni nostri Duodecimo. Per signaturam manu. S. D. N. Regis supra scriptam Written to the great Seal et Registrat The Twenty day of May i700 Sic Subscribitur Charles Kerr Sealed att Edinburgh The Twenty day of May i700 Sic subscribitur Allexander Home