Act, 6 October 1697, Edinburgh

Att Edinburgh the Threttieth day of Aprile J^aj vi^c nyntie seven years

A1697/4/44

A1697/4/44¹

Procedure

Patent Lord John Hamilton to be Earle of Ruglen

Patent of honour In favoures of Lord John Hamilton nominating appointing and Creating him Earle of Ruglen Viscount of Riccartoun and Lord Hilhouse expede under the Great seall was read and approven and appointed to be recorded And was delyvered by the Lord high Chancelor to the said Lord John Hamilton now Earle of Ruglen which he receaved upon his knee
Folloues the tenor of the patent
Gulielmus Dei gratia Magnae Britaniae Franciae et Hyberniae Rex fideique defensor Omnibus probis hominibus ad quos praesentes literae nostrae pervenerint salutem Quandoquidem nos ex summa nostra gratia Considerantes excelsa honorum encomia virtutis esse praemia Quin etiam regiae nostrae Dignitati esse Consantenem² Insignes gratiae et aestimationis nostrae Characteres Conferre in illos qui illustrissimi sunt generis et quorum acta praeclara cum pro sapiae suae dignitate Conveniunt Nosque Itidem perpendentes Dominum Joannem Hamilton filium Nuperi ducis de Hamilton ortum esse a familia in summo honoris gradu Illustri ut pote de regio nostris³ sanguinis et genere Et quae per multa retroacta saecula Constanti fidelitate et adhaesione serenissimis nostris antecessoribus Eorumque Corone et dignitate tanquam discriminanti charactere Claram sese reddit obquae plurimi familiae Illius principes pro ut in summa erant rerum administratione Sic etiam hoc ipso nomine gloriosissimo modo vita erant privati nos etiam in memoriam revocantes nuperum Ducem de Hamilton quod opem et auxilium eminenter praebuit pro stabiliendo hoc nostro regno Scotiae sub authoritate nostra plurimis etiam occasionibus res nostras promoverat cum sacram nostram representaret personam in parliamentis nostris dicti regni tanquam supremus noster Commissionarius Quin etiam quod idem Dominus Joannes Hamilton generis sui et sanguinis nobilitati propria sua virtute superaddidit ac eximiae suae fidei et zela erga regimen nostrum multa et praeclara dederit specimina ob has igitur plurimas que alias magni momenti causas et rationes Insignem et durabilem regii nostri favores⁴ tesseram in illum ejusque familiam Conferre statuimus ut inde incitentur in fidelitate et officio erga nos nostrosque successores firmiter Continuare Utque etiam validiores in posterum reddantur ejusmodi munera et officia obire quae in coronae nostrae servitio ipsis Committi contigerint Noveritis igitur nos nominasse fecisse Constituisse et Creasse sicut et per praesentes hosce nostros patentes libellos nominamus facimus constitumus et Creamus Eundem dominum Joannem Hamilton Comitem viceComitem et Liberum Parliamenti dominum Comitem De Ruglen vicecomitem de Riccartoun et dominum Hilhouse in dicto regno nostro Scotiae designandum et appellandum Damus porro Concedimus et Conferrimus in Dictum dominum Joannem Hamilton et haeredes masculos de ejus corpore quibus deficientibus haeredes de ejus Corpore quoscunque antedictum titulum Dignitatem Gradum et honorem Comitis viceComitis et Liberi Parliamenti domini ut praedicitur Cum plena admodum potestate illi ejusque antedictis eodem fruendi et Gaudendi Cum universis et singulis praerogativis praecedentiis praeeminentiis privilegiis Libertatibus et Immunitatibus quibuscunque eo attinentibus et spectantibus quibus cum dictum dominum Joanem Hamilton ejusque praedictos nobilitamus et Investimus speciatim vero cum libero in parliamento suffragio Tenendum habendum antedictum titulum dignitatem gradum et honorem Comitis vicecomitis et Liberi parliamenti domini Cum universis et singulis praerogativis praecedentiis praeeminentiis privilegiis Libertatibus Immunitatibus aliisque quibuscunque eo spectantibus per dictum dominum Joannem Hamilton ejusque antedictos de nobis nostrisque serenissimis successoribus in omnibus parliamentis ordinum Conventibus Conciliis Generalibus omnibusque aliis publicis et privatis ejusdem regni Congressibus tam plenarie adeoque libere in omnibus respectibus et condicionibus quivis alius Comes vicecomes et Liber Parliamenti dominus tali titulo honore dignitate et Gradu quovis tempore praeterito praesenti aut futuro potitus et Gavisus et seu frui et Gaudere poterit Leoni porro aromorum Regi ejusque fratribus Fecialibus mandamus ut praefato domino Joanni Hamilton (nunc Comiti de Ruglen) talia Insigniis suis gentilitiis additamenta qualia ipsi illisque Congrua et similibus casibus usitata videbuntur Dent et praescribent Ordinamus denique et Declaramus hasce nostras Patentes Literas sub magno nostro sigillo adeo validas et sufficientes fori illi ejusque praedictis pro possidendo dicto titulo dignitate Gradu et honore Comitis vicecomitis et Liberi Parliamenti domini ut praedicitur Cum omnibus privilegiis libertatibus aliisque quibuscunque eo spectantibus ac si ipsi⁵ ejusque praedicti cum omnibus ritibus et Ceremoniis similibus occasionibus proprius⁶ usitatis Investiti et Inaugurati fuissent quo Circa nos pro nobis nostrisque successoribus Dispensamus in perpetuum In Cujus rei testimonium praesentibus magnum sigillum nostrum appendi praecepimus Apud aulam nostram De Kensingtoun Decimo quinto die Mensis Aprilis anno domini Millesimo sexcentesimo nonagesimo septimo Regnique nostri anno nono per signaturam manu S D: N Regis suprasignatam Wryten to the Great seall and registrat the tuenty nynth of Aprile J^aj vj^c nyntie seven Sic subscribitur Duncan Ronald Deput sealled att Edinburgh the tuenty nynth day of Aprile J^aj vj^c nyntie seven Sic subscribitur J Home