Warrant, 21 December 1699, Edinburgh

Att Edinburgh The nynth day of February J^aj vj^c nynty and nyne years

A1699/2/13

A1699/2/13¹

Procedure

Patent of Honour In favours of David Lord Boyle

A Patent under his majesties great seal of this Kingdom In favours of David Boyle of Kelburne nominating Constituting and Creating him a Lord of Parliament, To be called and designed Lord Boyle of Kelburne, Stuartoune, Cumbrae, Finnick, Larges and Dalrey in tyme Coming, Read and ordered to be Recorded. And The Lord High Chancellor delivered the same to Sir John Maxwell of Pollock, who receaved it upon his Knee as use is. Follows the Tenor of the above patent
Gulielmus Dei gratia Magnae Brittaniae Franciae et Hiberniae Rex fideique defensor omnibus probis hominibus suis ad quos praesentes Literae nostrae pervenerint Salutem Quandoquidem nos Ex summa nostra Gratia perpendentes officia perplurima et Egregia per fidelissimum et Dilectissimum nostrum conciliarium Davidem Boyle de Kelburne in diversis muneribus a nobis ipsi concreditis praestita et peracta, Etiamque fidelitatem perpetuam adhaesionem Juribus nostris firmam aliaque ministeria Insignia antiquae familiae de Boyle de Kelburn cujus nunc est supremus Ob hasce igitur singulasque alias rationes durabilem Gratiae nostrae notam et Characterem in eundem Davidem Boyle de Kelburne ejusque haeredes subscriptos conferre Statuimus unde in posterum ampliora etiam officia nobis nostrisque successoribus praestare et animentur et validiores Reddantur Noveritis nos nominasse Constituisse et Creasse, sicuti per praesentes hasce nostras patentes Literas nominamus, Constituimus et Creamus praefatum Davidem Boyle de Kelburne Dominum et liberum parliamenti Dominum In antiquo nostro regno Scotiae, Dominum Boyle de Kelburne Stewartoune, Cumbrae Finnick Larges et Dalry etc In posterum appellandum et designandum Inque eundem Davidem Boyle de Kelburne Et haeredes masculos de ejus Corpore quibus deficientibus ejus alios Haeredes masculos propinquiores quoscunque. Damus Concedimus et Conferimus Titulum Honorem gradum et dignitatem Domini et liberi Parliamenti Domini ut dictum est. Cum plena potestate priviledgio et authoritate illi ejusque antedictis gaudendi possidendi et fruendi eodem titulo cum omnibus et singulis praerogativis praecedentiis, praeheminentiis, priviledgiis libertatibus et Immunitatibus quibuscunque eo attinentibus quibuscum nos praenominatum Davidem Boyle de Kelburn ejusque antedictos Investimus et nobilitamus speciatim vero cum Libero in parliamento suffragio Tenendum et Habendum antedictum Titulum Honorem gradum et dignitatem Domini et liberi Parliamenti Domini Cum omnibus et singulis praerogativis praecedentiis praeeminentiis, priviledgiis et Immunitatibus eo spectantibus per dictum Davidem Boyle de Kelburn ejusque suprascriptos de nobis nostrisque successoribus in omnibus parliamentis ordinum Conventibus Conciliis Generalibus privatis seu publicis congressibus in dicto antiquo regno nostro, Tam plenarie et Libere in quovis respectu et Conditione ac quilibet alius Dominus ac Liber parliamenti Dominus Tali titulo Honore et dignitate perprius potitus et Gavisus est cum omnibus priviledgiis eo spectantibus seu iisdem in futurum, gaudere et uti poterit. Leoni porro armorum, Regi ejusque fratribus faecialibus Imperamus ut praefato Davidi Boyle de Kelburne nunc Domino Boyle de Kelburne, Stewartoune, Cumbrae, Finnick, Larges et Dalry etc. Talia Insignia armorea, seu prioribus additamenta per eum ejusque antedictos utenda qualia sibi et ipsis congrua et Convenientia videbuntur ac similibus occasionibus usitata deunt² et praescribant. Declarandum per presentes hoc nostrum Diploma praefato Davidi Boyle de Kelburne ejusque antedictis validum et efficax fore pro gaudendo dicto Titulo Honore dignitate Et Gradu Domini et liberi parliamenti Domini cum omnibus et singulis praerogativis praeeminentiis praecedentiis priviledgiis et Immunitatibus quibuscunque eo attinentibus ac si cum omnibus ritibus et solemnitatibus similibus occasionibus perprius usitatis Investiti et Inaugurati Essent Quocirca nos dispensavimus perque presentes in perpetuum Dispensavimus³ In cujus rei Testimonium praesentibus Magnum Sigillum nostrum appendi praecipimus Apud Aulam nostram De Kensingtoune Tricesimo primo die mensis Januarii anno Domini milesimo sexcentesimo nonogesimo nono Regnique nostri anno Decimo Per Signaturam manu S. D. N. Regis supra signatam Written to the Great Seal and Registrat the eight day of February 1699 sic subscribitur Charles Ker Sealed at Edinburgh the nynth day of February 1699 sic subscribitur Alexander Home