Att Edinburgh the Fourteenth day of May Jaj vjc nyntie six years
A1696/5/32
A1696/5/321
Commission to the Council
Commission of privie Councell
Commission under the Great seall Nominating and appointing the Lords of his Majesties privie Councell Dated the second day of May Jaj vjc nyntie six years Being read was appointed to be recorded in the books of privie Councell And the haill Councelors abovenamed being present Did signe and suear the oath of alleadgeance and signed the assurance appointed to his Majestie by Act of parliament And the Lord Ruthven who is a Councelor named by the new Commission being also present And having taken the oath and assurance was receaved a privie Councelor Conforme to the Commissione And the haill Councelors abovenamed did suear the oath De fideli Administratione Folloues the tenor of the Commissione
Gulielmus Dei Gratia Magnae Britanniae Franciae et Hyberniae Rex fideique Defensor Omnibus probis hominibus suos ad quos praesentes literae nostrae pervenerint Salutem Noveritis nos Considerantes necessarium esse pro commodo tum servitij nostri tum antiqui hujus regni nostri Scotiae quod secretum nostrum Concilium consistat ex personis eximijs animi dotibus et fidelitate imbutis Cum que per plurima habeamus testimonia fidelitatis et eximiarum animi Dotum personarum infrascriptarum ad tam summae fiduciae munus obeundum Igitur Nominasse et Constituisse tenoreque praesentium nominare et Constituere Dilectissimum fratrem nostrum Georgium haereditarium Danorum principem Patricium Dominum Poluarth Summum Cancelarium Dicti regni nostri Scotiae Georgium Comitem De Melvill nostri Secreti Sigilli Custodem Jacobum Ducem De Queensberry Jacobum Marchionem De Douglass Archibaldum Comitem De Argyle Joannem Comitem De Erroll Georgium Comitem de Southerland Jacobum Comitem De Mertoun Joannem Comitem de Cassills Robertum Comitem De Lothian Joannem Comitem De Strathmore Joannem Comitem De Lauderdale Davidem Comitem De Leven Gulielmum Comitem de Annandale Carolum Comitem de Selkirk Archibaldum Comitem De Forfar Joannem Comitem De Kintore Joannem Dominum Murray nostrum Status Dicti regni Secretarium Joannem Dominum Yester Dominum Joannem Hamilton Georgium vicecomitem De Tarbat Joannem Dominum Strathnaver Alexandrum Dominum Montgomery Alexandrum Dominum Raith Gulielmum Dominum Ross Joannem Dominum Beilhaven Joannem Dominum Carmichaell Davidem Dominum Ruthven Dominum Jacobum Ogilvie Secretarium nostrum Status Dicti regni Dominum Jacobum Steuart nostrum Advocatum Adamum Cockburn de Ormiestoun nostrum Justiciarium Clericum Dominum Funtainhall Dominum Anstruther Dominum Philiphaugh Dominum Rankeilour Dominum Halcraig […] Magistrum De Forbes Magistrum Franciscum Montgomery Ludovicum Grant de eodem Dominum Joannem Maxwell de Pollock Dominum Archibaldum Murray de Blackbarrony Dominum Thomam Burnet de Leyes Dominum Robertum Sinclair de Steivensone Dominum Thomam Livingstoune Dominum Georgium Campbell De Cessnock Thomam Hay de Balhousie et dominum praepositum Burgi nostri de Edinburgh Dominos nostri Secreti Concilij Dicti Regni nostri Scotiae ac Commisimus tenoreque presentium Committimus ijs vell quibuscunque eorum Novem administrationem et Gubernationem ejusdem regni in omnibus negotijs commodum pacem et salutem dicti nostri regni tangentibus et de jure et praxi ejusdem ad Judicium Cognitionem et determinationem Secreti nostri Consilij spectantibus cum potestate ijs vell quibuscunque Eorem novem Conveniendi et congregandi in loco pro ordinaria residentia nostri Secreti Concilij in Civitate nostra de Edinburgh statuto vell quocunque alio Loco magis idoneo et commodo (atque absente domino summo Cancelario seu praeside) praesidem quemlibet de eorum munere [recte numero] pro tempore elegendi ac Consulendi deliberandi Concludendi Decernendi et determinandi omnia et singula negotia actiones Causas et praeposita ad Commodum et pacem dicti nostri regni attinentur Juxta leges et acta parliamenti nostri hactenus stabilita et stabilienda ac Audiendi Decidendi et determinandi omnes et singulas Causas et actiones inter subditos nostros in vicem movendas ac Judicio dominorum Secreti Concilij Competentes proprio dum modo nullus eorum Conventibus Intersit preter Conciliarios praenominatos una cum Clerico et Clericis nostris pro tempore Cumque potestate ijs vell eorum unicunque ex oriente quolibet tumultu aut ruptu in illis regni partibus ubi pro tempore residebunt mandandi seu Imperandi personae seu personis ejusmodi tumultuum authoribus pacem nostram observare Et eandem pacem frangentibus mandandi personas suas Carceri Committere ijs in locis atque intra tam breve Spatium prout ijs visum fuerit ac ibidem remanere Donec per plenarium concilij munerum2 pronunciabitur de re illa in qua peccaverint quibus quidem licebit mulctam pecuniariam munorigeris3 et mandatum spernentibus Juxta delinquentium qualitatem et naturam delicti Irrogare quin etiam ipsos apprehendere et Carceri Committere Dummodo Dictus Dominus aut Domini concilij nostri Ita mandantes nobis reliquisque nostris conciliarijs aut eorum selecto numero (vulgo quorum) pro ejusmodi mandato rationem reddant Cum que potestate ijs statuta pro dicti regni nostri politia [et] Gubernatione et tumultuum suppressione sauciendi et prescribendi4 atque Justiciario nostro Generali et Justiciario Clerico et Justiciariae nostrae Commissionarijs potestate[m] Concedendi Executionem post Conventionem5 protelare aut supplicium legis mitigare et in Causis Criminalibus ubi Crimina sunt Capitalia et prout natura et qualitates Criminum postulabunt Atque Commissiones Justitiariae aliasque Commissiones in rebus Commodum hujus regni tangentibus Ac Etiam Justitiario nostro Generali Justitiario Clerico et Justitiariae nostrae Commissionarijs potestatem Concedendi mulctas pecunarias in Crimina adulterij portationum Tormentorum et sclopetorum aliorumque actorum parliamenti transgressionum ubi supplicium De Jure personas seu bona sequitur vell arbitrio Judicis relinquitur Imponere Atque etiam exemptiones ab exercitibus equitationibus et assisis et licentias e dicto regno migrare et Concedere6 secundum Conditiones in nostri parliamenti actis expressas Concedendi nec non cum potestate ijs si qua publica et professa oriatur Rebellio qua restringi nequit Commissiones praefecturae vell Justitiariae unam seu plures pro eju[s]dem repressione Concedere Atque mandata seu7 talibus partibus dicti regni nostri dirigendi prout ijs pro concursu adhibendo debita que ratione Dictae commissionis maxime expediens videbitur et Irrogationem talium monetae summarum quas hujusmodi expeditiones postulabunt ordinandi et dirigendi Cumque potestate ijs Interveniente necessitate Sessionem Dissolvendi atque tempora et Loca sessionis iterum prescribendi Et generaliter omnia et singula prestandi gerendi et exercendi quae secretum Consilium dicti regni Scotiae quolibet tempore retroacto fecit vell facere potuerat regnantibus illustrissimis nostris predicessoribus Ac ulterius cum potestate ijs vell quibuscunque eorum novem ut Dictum est regulas et ordines pro eorum Conventibus ac tempus et Spatium eorundem prout ijs placuerit prescribendi (Integro numero omnimodo presenti) ex praemonitione Cancelarij vell presidis pro tempore existente ijs facienda gravibus magnique momenti negotijs eadem postulentibus ac casu eorum absentiae absque venia ac nobis aut numero Certo Consilij Impetrata aliave Justa causa Licebit reliquis Conciliarijs eorumve selecto numero antedicto ipsos tanquam servitium nostrum negligentes Condigna Censura prosequi firmumque et stabile habemus et habebimus quicquid predicti Domini eorum ve numerus selectus antedictus in premissis legitime fecerint Dumodo8 illi eorumque singuli nobis rationem reddant de fideli executione Dicti officij et Commissionis quaequidem durante nostro beneplacito Duntaxat Durabit Atque donec per nos revocetur omnesque priores Commissiones Consilij et mandata pro admissione Cujusvis ex Conciliarijs diem Datae presentium precedentium nulla et Irrita declaramus Reservata Dummodo nobis potestate plena per Epistolam aut mandatum sub manu nostra predictis personas ejusmodi addendi prout de tempore in tempus nobis visum fuerit quaequidem personae ita nominandae eadem potestate et authoritate Gaudebunt ac si in hac presenti Commissione nostra exprimerentur Reservata denique nobis plenaria potestate per quamcunque Epistolam seu mandatum sub regia nostra manu quoscunque ex nostris Conciliarijs ab eorum locis in Consilio removendi aut suspendendi In cujus rei Testimonium presentibus magnum sigillum nostrum appendi mandavimus Apud aulam nostram De Kensingtoune secundo Die mensis Maij anno domini millesimo sexcentesimo nonagesimo sexto Regnique nostri anno octavo Per signaturam S: D: N: Regis suprasignatam wryten to the Great Seall and registrat the thretteenth day of May 1696 sic subscribitur Dun: Ronald Deput sealled at Edinburgh the Fourteenth day of May 1696 In absence of Mr John Dickson sic subscribitur Thomas Aikman
1. NRS, PC1/50, 523-7.
2. Recte numerum.
3. Recte immorigeris.
4. The phrase ‘nostro Generali’ scored out here.
5. Sic. Recte convictionem.
6. Sic. Recte desedere?
7. Sic. Recte sua.
8. Sic.
1. NRS, PC1/50, 523-7.
2. Recte numerum.
3. Recte immorigeris.
4. The phrase ‘nostro Generali’ scored out here.
5. Sic. Recte convictionem.
6. Sic. Recte desedere?
7. Sic. Recte sua.
8. Sic.