Att Edinburgh the Fourteinth of March Jaj vjc nyntie three years Ante Meridiem
A1693/3/49
A1693/3/491
Commission: by the council
Comission Mr John Ker to be one of the directors of Chancellorie
A Gift under the great seall of this Kingdome In favours of Mr John Ker third Lawfull sone to Robert Earle of Lothian Lord Justice Generall of Scotland to be one of the directors of there majesties Chancellorie with Sir William Ker his uncle dureing there majesties pleasure only, read, and appoynted to be recorded And the said Mr John Ker being called in Did swear and signe the oath of alleadgeance And signed the assureance to there majesties appoynted by act of parliament And the Lord high Chancellour haveing delyvered the Commissione to the said Mr John He receaved ths Same upon his knees And the Lord Chancellour did administer to him the oath of deideli off which Comissione The tenor followes
Gulielmus et Maria Dei Gratia Magnae Brittanniae Franciae et Hyberniae Rex et Regina fideique defensores Omnibus probis hominibus ad quos presentes literae nostrae pervenerint Salutem Quandoquidem Serenissimus noster antecessor Carolus Secundus Rex beatissimae memoriae Per Donationem In favorem Domini Caroli Stewart militis Barroneti filii legittimi secundo geniti Alexandri Comitis de Murray tunc Secretarii Status pro Regno Scotiae de data primo die mensis Maii Anno Domini Millesimo Sexcentesimo octuagesimo tertio fecit Constituit et ordinavit dictum Dominum Carolum Stewart durante omnibus suae vitae diebus Solum et unicum Cancellariae Directorem in Regno Nostro Scotiae Et dedit et Concessit illi dictum officium durante spatio antedicto Cum omnibus ejusdem dignitatibus privilegiis proficuis perquisitis et emolumentis quibuscunque eo spectantibus Et voluit ac declaravit ejus Introitum ad dictum officium esse et fore Imediate post obitum Domini Gulielmi Ker presentis ejusdem possessoris vel eodem officio quovis alio modo vacante Et preterea dictus Carolus Rex per aliam literam donationis de data […] die mensis […] fecit Constituit et ordinavit Dictos Dominos Carolum Stewart et Gulielmum Ker Conjunctos Cancellariae Directores et eorum alterum diutius viventem dictum officium possidere totaliter et integre Cum omnibus dignitatibus privilegiis2 proficuis et Casualitatibus eo spectantibus quaeve in posterum eidem spectare dignoscentur Cum plena et ampla potestate iis vel eorum alterutri dictum officium per vices pro ut inter illos convenisset exercere Et pro ut alteruter eodem3 Idem exercebit cum potestate illi pro tempore exercenti durante suo exercitio deputatos et servos sub se in dicto officio (pro quibus respondebit) Constituere et removere Et cum potestate iis vel eorum alterutri Secundum ejus exercitium praedictum Colligere omnes divorias Sallaria casualitates proficua et emolumenta quae cunque equaliter inter eos dividenda et distribuenda Durante omnibus eorum4 suae vitae diebus Et cum potestate diutius viventi Soli et per se Colligere et recipere omnia praedicta proficua Casualitates et emolumenta quaecunque ad dictum officium spectantia omnibusque dignitatibus privilegiis et libertatibus eo attinentibus gaudere tam plene et libere in omnibus respectibus pro5 demortuus Dominus Joannes Scott vel cuivis alius director Cancellariae iisdem quovis tempore praeterito potitus est Dispensando cum generalitate dictae Donationis ac etiam declaratur quod etiam si dicta donatio Concessa est conjunctim dicto Domino Carolo Stewart et Domino Gulielmo Ker eorumque alteri diutius viventi Cum potestate dictum officium per vices exercendi vel pro ut inter ipsis conventum est nihilominus errores et delicta per alterutrum Comittenda (si contigerint) vel per se vel per ejus deputatos et servos per ipsum Constituendos durante ejus exercitio dicti officii nullatenus alteri esse Imputanda verum unumquemque eorum pro se ejusque deputatis et servis durante ejus exercitio rationem reddituros dictasque culpas nullam fore rationem Impugnandi seu Infringendi Jus illius qui ab iisdem liber et Imunis Inveneritur Et si contigerit alterum a dicto officio removeri ob quamvis culpam errorem seu crimen Tunc Integrum Jus dicti officii Cum exercitio ejusdem omnibusque proficuis casualitatibus et emolumentis eo spectantibus ad alterum pertineret durante ejus vita ut praedicitur Quaequidem duae donationes per dictum Carolum Regem dicto Domino Carolo Stewart Concessas nunc ceciderunt et devenerunt in manibus nostris et ad donationem et dispositionem Ex eo quod dictus Dominus Carolus nequaquam reddidit se idoneum et qualificatum secundum leges et quod non fidelitatem et securitatem nobis et authoritati nostrae Juraverat Intra tempus et spatium per leges et parliamenti acta prescriptum et limitatum Nosque etiam serio perpendentes non solum plurima egregia servitia et officia Serenissimis nostris antecessoribus per Comites de Louthian prestita verum etiam nominatim specilia servitia et officia nobis et Regimini nostro prestita per fidelissimum et praedilectissimum nostrum Consanguineum et Conciliarium Robertum Comitem de Lothian nostrum Justiciarium Generalem pro dicto regno Ejusque fidelitatem erga nos et Regimen nostrum in singulis muneribus et provinciis a nobis ipsi concreditis Et constantem ejus zelum et affectum erga interesse nostrum Atque etiam Considerantes quod Dominus Gulielmus Ker ejus frater debet Considerabiles monetae summas dicto Comiti de Lothian (prout nos certiores facti sumus) nec non satis Compertum habentes aptitudinem et Idoneas facultates Magistri Joannis Ker filii legittimi tertio geniti dicti Roberti Comitis de Lothian ad exercendum dictum officium Directoris Cancellariae Hisce igitur et plurimis aliis rationibus momentosis nos moventibus Sciatis nos fecisse Constituisse et ordinasse Tenoreque presentium facere Constituere et ordinare dictum Magistrum Joannem Ker Cancellariae nostrae directorem loco dicti Domini Caroli Stewart Cum plenaria potestate illi dictum officium exercendi Cum dicto Domino Gulielmo Ker ejus patruo per simestrem durante nostro beneplacito solum modo Cum plenaria etiam potestate dicto Magistro Joanni Ker deputatos aliosque servos sub se in dicto officio durante ejus exercitio (pro quibus respondebit) constituendi ac removendi ac scribendi et registrandi et extrahenda omnia brevia Cartas donationes aliasque scripta cujuscunque naturae ad dictum officium spectantia Et testimonium magni sigilli Custodiendi cum omnibus praeceptis vice comitibus directis omnibusque aliis scriptis ad dictum officium spectantibus Secundum ejus privilegia morem et Consuetudinem Atque itidem per presentes facimus Constituimus et ordinamus dictos Magistrum Joannem Ker et Dominum Gulielmum Ker ejus patruum conjunctos Cancellariae nostrae Directores et diutius viventem possidere (durante spatio ante dicto) dictum officium Integre Et Damus et Concedimus iis vel alterutri eorum et eorum diutius viventi soli per seme triplum plenam et amplam potestatem Colligendi omnes divorias Sallaria casualitates perquesita proficua et emolumenta quaecunque ad dictum officium spectantia quaeve spectare dignoscentur inter illos dividenda et distribuenda (durante spatio ante dicto) Cum plena etiam potestate iis vel alterutri eorum et eorum diutius viventi dictum officium possidere privilegiis et libertatibus eo spectantibus tam plene et libere in quovis respectu quam ullus alius Cancellariae director iisdem quocunque tempore potitus est Et declaramus generalitatem presentium tam validam et efficacem esse ad omnes respectus et proposita quam si unum cunque particulare dictum officium tangentem in presentibus particulariter esset Insertum Et volumus et declaramus quod etiam si donationem dicti officii Concessimus dicto Magistro Joanni Ker conjunctim cum dicto Domino Gulielmo Ker ejus patruo eorumque alteri diutius viventi Cum potestate iis per vices dictum officium exercendi per trimestrem vel aliter pro ut inter eos conventum erit De exercitio nihilominus Culpae et errores alterius (si quae contigerint) per illum ejusque deputatos et servos ab illo constitutos (durante ejus exercitio) Comittenda nullatenus alteri esse Imputanda sed unum quemque eorum pro se et deputatis et servis per ipsum nominandis rationem reddituros dictasque Culpas nullam fore rationem Impugnandi seu Infringendi Jus illius qui ab iisdem liber et Immunis Invenietur Et si Contigerit alteruter eorum removeri pro quovis delicto seu Crimine vel si alteruter eorum decesserit ut prediciter6 Tunc in eo casu Plenum et Integrum Jus dicti officii cum exercitio ejusdem ac potestate deputatos et servos Constituendi et removendi Cum omnibus proficius Casualitatibus et emolumentis ad dictum officium spectantibus ad alterum pertinebunt et spectabunt Et denique promittimus in verbo Principis hanc nostram donationem ratificare in Currenti seu Subsequenti parliamento dicti Regni In Cujus Rei Testimonium Magnum Sigillum Nostrum Appendi mandavimus Apud aulam nostram de Kensingtoun vigesimo octavo die mensis februarii anno domini millesimo sexcentesimo nonagesimo tertio Et anno regni nostri quarto Per Signaturam manu S D N: Regis supra scriptam Written to the great Seall and registrat the thretteinth day of March Jaj vjc nyntie three Sic subscribitur Duncan Ronald deput Sealled at Edinburgh the thretteinth of march Jaj vjc nyntie three Sic subscribitur Alexander Inglis Sealled at Edinburgh the thretteinth of march Jaj vjc nyntie three Sic Subscribitur Alexander Inglis
1. PC1/48, 634-7.
2. The word ‘et’ scored out here.
3. Sic., *recte* eorum?
4. The word ‘*eorum*’ is inserted above the line.
5. Sic., *recte* prout.
6. Sic., *recte* praedicitur.
1. PC1/48, 634-7.
2. The word ‘et’ scored out here.
3. Sic., *recte* eorum?
4. The word ‘*eorum*’ is inserted above the line.
5. Sic., *recte* prout.
6. Sic., *recte* praedicitur.